358
IBISA Aruba a tene un otro evento exitoso awe diaranson 25 di januari, cu e Betico Memorial walk and run. Un evento SOLD OUT unda cu alrededor di 700 persona a cana y/of core e ruta 6km y 10km. Pa 6or di mainta, Minister di Enseñansa y Deporte, sr. Endy Croes a duna e señal di salida. Un careda cu awe tabata extra pisa na banda di tur e subidanan ya cu e biento tambe tabata fuerte.
E coredor Colombiano, William Diaz di Pegasus a gana e 10km den un record nobo di 34.01 mientras e hoben local y prospecto Christian Pereira di Viperstrong tambe a keda bou di e record anterior cu tabata 15 aña den man di e coredor Richard Rodriguez. Den hende muher, Lana Gobert di Sportsz 4u Triathlon Academy un bes mas tabata victorioso.
Un pabien na tur cu e participa. Na final a reparti medaya y trofeo na esnan cu a sobresali.