Diasabra awo Gert van Vliet y Herbert Merryweather lo competi na e campeonato mundial di XTERRA, e competencia di mas grandi pa loke ta off-road triathlon. Ambos atleta a participa na e careda di XTERRA na Austin Texas na April 2023, na unda nan a coi podium den nan respectiva categoria y logra cualifica pa e XTERRA Championships cu ta tuma lugar na Trentino, Molveno na Italia.
Den e mundo di off-road triathlon esaki ta e competencia mas grandi na unda tur e mihonan di mundo ta busca cualificacion. 2023 ta un aña particularmente grandi na unda mas cu 750 mihor atleta ta bin pa competi y busca pa subi podium. Varios nomber grandi den road triathlon ta explorando off-road triathlon cual ta hasi e nivel di competencia aki uno halto sigur. Na e championship aki tin un total di 750 atleta for di 56 diferente pais. Aruba lo compete entre paisnan grandi den off-roadtriathlon manera Francia y Italia.
E atleta nan lo landa 1.5km den awa nan frieuw cu temperatura entre 16 pa 19 grado, sigui pa dos loop ariba bice pa complete 32km, y caba na pia coriendo 10km. Por bisa cu e recorido riba bice ta uno hopi technico y cu hopi elevacion.
Nos kier felicita nos atleta nan local cu nan cualificacion y desea nan tur clase di exito diasabra proximo.
Esaki ta e link di e pagina official na unda por hanja mas informacion di e careda. https://xterraplanet.com/story/everything-to-know-about-the-2023-xterra-world-championship.
Hopi exito na Gert y Herbert
