Diadomingo, 5 November di 2023 a tuma lugar e prome edicion di e Ladies Run & Walk, na unda e duo di Jouraima Koolman Ras y Julienne Gomes di Club THRE a logra e prome puesto den e 6K Run. Pa locual ta e prome competencia di 6K ‘Power Walk’ esaki a ser gana pa e Club di Jays forma pa Suzette Erasmus y Orlaida Orman. Aki por presencia e teamnan cu a logra nan premio cash. Pa e contest di ‘Fun Walk’ tambe tabatin premionan den forma di ‘raffle’.
Pa e resultadonan por bai na e link di my.raceresult.com/231852
Un danki ta bai na Red Fish, Compra NV, Candito Tromp, Holiday Inn, Andina Ice, Subway, Voluntarionan di TUC, Volunteer Motor Units, Dienst Brandweer Aruba, Aruba Medical Services, Olympia Track & Field Club y Thrill Walkers cu a haci e evento aki posibel.
E ultimo evento di ‘The Ultimate Challenge’ pa 2023 lo ta, e ‘Legend Richard Rodriguez 6K/10 Road Race’ cu lo tuma lugar diadomingo, 10 december. Por registra na my.raceresult.com/229181
