Awe dialuna a biaha pa Hulanda algun hoben futbolista Arubiano participa na algun ” try out”.
Nan lo wordo recibi na Hulanda pa Leo Garcia di CASA Academy Blijdorp.
Entre e hobennan tin Steven Greaux (13 aña) cu ta milita den e equipo di SV La Fama pero tambe ta forma parti di nos Seleccion di AVB U15.
Steven a sali ultimo e “Man of the Match” den e final di e categoria di U13.
Eynan Scout/Coach/Kit Manager di AVB Kevin Lake a aserke y ofrese e oportunidad pa bay Hulanda pa algun try outs. Recientemente sr. Kevin Lake a lanta su propio Academia di futbol jama Lake Talent Academy asina e aventura a cuminsa.
Hunto cu nan tambe a biaha e hoben futbolista Jaylen Lake di 15 aña cu tambe ta milita den SV La Fama. Jaylen ta yui homber di Kevin y ta sigur un bon oportunidad pa ambos futbolistonan experencia.
Gradicimento ta bay pa e Coach di SV La Fama Jaime Carasquilla, Steve Escalona di AVB, David ” Appie ” Abdul di AVB, kende nan a haci contacto cu e clubnan na Hulanda como tambe sr. Leo Garcia pa recibi nan na Hulanda y tambe por ultimo Kevin Lake di Lake Talent Academy pe gran oportunidad.
