532
Den cuadro di celebrashon di 10 aña di existencia di Stichting Sportsz 4 U Triathlon Academy y cu e meta pa laga mucha y hoben siña conoce cu e deporte di triathlon. Sportsz 4 U ta organisando un Kids TRI-series di e tres deportenan cu ta forma Triathlon.
Luna pasa na Maart a organisa e prome combinashon di deporte cu ta AQUATHLON cu a tuma lugar na Rodgers beach. Esaki tawata hopi exitoso. Hopi mucha a participa y duna un bon bataya hasiendo asina e competencia uno yena cu emocion y hopi apoyo. En especial e atletanan nobo cu pa prome biaha ta competi den un Aquathlon. Nan a duna bon bataya y nan a have fun, gosa y demostra cu maske esaki ta nan prome biaha den competencia, nan ta duna bataya y a mustra kiko nan tin aden.
Den continuacion di esaki, diasabra ultimo, dia 22 april a tuma lugar e di dos combinacion cu por competi den dje, esta e DUATHLON. Esaki a tuma lugar na Baby beach. Un cantidad grandi di mucha y hoben a presenta na start pa asina demostra kiko nan tin aden tanto na pia como riba bicicleta. Cada categoria tawata yena cu grito di apoyo door di mayornan na nan yiunan. Tin mayor cu tawata asina excited cu nan mes a corre parti di e ruta pa apoya nan yiu. E tawata hopi great y emociona pa wak e cara di e muchanan y hobennan con determina y focus nan ta pa corre nan careda. Tanto na pia como riba bicicleta. Tawata tin un hoben cu a cai ora di a pasa den e plas di awa pero ni esaki no a strobe di caba su careda. Ela lanta, subi su bais y sigi cu careda. Esey nos ta yama determinashon.
Pabien na tur e atletanan cu a participa. Pabien na e ganadornan y next, na mei nos lo tin e competencia grandi unda cu tur tres disciplina lo wordu corri, esta. E TRIATHLON. Atletanan, prepara, train, drecha unda mester drecha pa asina ta full prepara pa duna un bon
