490
OHMBO asina ta dushi pa habri noticia tur dia di siman. DANKI TATA pa esaki
Nos di Trempan a haya grato noticia cu e hoben futbolista di Aruba, Evans Nedd cu ta milita den Feyenoord lo keda un aña mas cu e organisacion di Rotterdam. Sin duda esaki ta un noticia cu ta yena nos cu nos curazon cu alegria ya cu Evans no tin ni un aña ainda na Hulanda y ya caba Feyenoord a keda encanta cu e hoben futbolista di Aruba unda e tin mag di keda un temporada mas.
Aña pasa famia Evan Nedd a muda pa Hulanda pa sigui e soño tan anhela di nan yiu Evans, despues cu e la haya un oportunidad unico pa uni cu e Academia di Feyenoord na Hulanda. Un desicion cu no tabata nada facil ya cu tur aña e hungador ta wordo evalua si e mag keda si of no.
Den un combersacion cu Evan e la bisa nos lo siguiente: “E evaluacion a bay hopi positivo, Evans su desaroyo ta bayendo hopi bon mes. Di augustus aña pasa cu el a bin, e prome luna nan e mester a siña hopi cos. Un cultura nobo, coach nobo, ekipo nobo, nivel di futbol cu ta hopi halto y exigente. Den 2023 nan a mira cu Evans ta mehorando cada dia y Feyenoord ta hopi contento con tur cos e ta bayendo cune”, Evan a conta nos.
Nos di Trempan ta manda un palabra di super pabien na Evans, Evan, Micheline y henter famia, amigo y conocirnan cu a tremendo noticia aki.
MAS ORGUYOSO NOS NO POR TA COMO ARUBIANO