Diamars anochi na Piedra Plat, e organisacion di Britannia den presencia di invitadonan y partnernan a batisa e dos uniform nan nobo di Division di Honor. Tambe a celebra e di 8 titulo di Copa Betico Croes cu Britannia Hoofdklas a logra siman pasa den e gran final. Como presidente di e organisacion, Sr. Cedric Werleman a hiba palabra unda e la bisa di ta masha contento cu Britannia ta bayendo den bon direccion y enconnecion cu nan celebracion di tanto anja di existencia, Britannia lo ta rumbo e titulo di campeon.
Na mesun momento Sr Berg a anuncia nan patrosinadornan presente cu ta Sr. Miguel y Stephanie Nucete di Bright Bakery(representa pa Cedric Werleman), patrosinadornan grandi di Britannia pa añas. Tambe representante di Vitamalt di Aruba Trading, Sr. Hubert Dirksz y Ana Maria Ramirez di Frisian Flag di Compra NV. Y The Bulldog Aruba cu ta un patrosinador nobo di Britannia. Tambe Britannia tin como patrosinador Total Finance, Western Union y Pizza Hut Aruba. Cada patrosinador tabata masha contento di por sostene e organisacion di Piedra Plat. A presenta tambe tres e refuersonan nobo cu ta Miguel Vielma, David Moises Abdubero y Dylan Rodriguez.
E hungadornan di Britannia Damas a haya e honor pa hunto cu e demas patrosinadornan hasi e acto di bautiso unda a basha e tradicional champagne riba esaki
Un palabra di pabien y exito na e pumanan di Piedra Plat, Britannia.