Diaranson 19 di juli anochi na e edificio di ATIA, Devin de Veer, Gilmar Croes, Raymbert Bikker y Jomar Boekhoudt a tene un anochi di informacion unda nan introduci nan mes na e clubnan di futbol na Aruba mirando cu tur cuater ta personanan cu ta afilia na e futbol local. E cuater personanan aki lo bay postula nan mes pa drenta den e directiva di e federacion di futbol, AVB.
Dialuna awo 24 di juli AVB lo bay tin eleccion pa 4 puesto den directiva y e personanan aki lo kier drenta como cohunto pa forma parti di esaki.
Cada uno a introduci nan mes cu un parti di nan curiculo y e trabounan cu nan lo kier ehecuta pa loke ta e futbol local.
Diaranson anochi e clubnan Unistars, Bubali, Estrella, Caravel, United, Sportboys,
Riverplate, RCS, JTL, Master Boys, La Fama y Dakota a haci acto di presencia na e anochi di informacion. Ta bon pa bisa aserca cu 13 club tabata ausente. Mas cu claro e miembronan di e clubnan presente a haci pregunta na e 4 personanan aki.
