590
Un reto cu coredor di Aruba ta pone pa nan mes ta pa core un marathon di 42.2km den exterior. Esaki ta algo cu ya pa varios aña nos por mira y a bira masha popular bou di nos comunidad cu ta practica e deporte di coremento. A lo largo e coremento ta bira parti di nos y claro cada uno ta busca e ‘challenge’ pa purba cada bes un tiki mas.
Otro siman lo tin e popular NN Rotterdam Marathon na Hulanda y tres coredor di Aruba lo participa na esaki, Ana Mujica, Lili Mejia y Paulo Jordan
Pa coredor Ana Mujica esaki lo bay ta su di 3 Marathon y cada biaha e lo purba na mehora su mes. Pa coredornan Lili Mejia y Paulo Jordan esaki lo bay ta nan prome marathon, pues dos debutante cu lo experiencia algo unico mei mei di e mas cu 15.000 otro coredor cu lo atende e famoso marathon aki.
For di awor caba nos kier a desea Ana, Lili y Paulo tur clase di exito den e NN Rotterdam Marathon. Cu Nos Bon Creador cuida boso den e aventura unico aki.