Fin di siman 9 y 10 di September lo tin Caredanan Internacional di BMX den Parke Curazon Jaburibari. Riba Diarazon 6 di September tres coredo profesional for di exterior ta invita tur coredo di BMX pa un “Prep Clinic”, cu ta tuma luga na Parke Curazon Jaburibari, cuminzando pa 5’or di atardi. Ta consehabel pa inscribi mas pronto cu ta posibel p’e “Prep Clinic” aki, ya cu e cuponan ta limita (max. 30). Pa haci bo reservacion por yama 660-7181. E tres profesionalnan, cu ta organizando e “Prep Clinic” aki ta: Emilio Falla (Vet Pro) W3 Masters Class 2023, 2x Olympic World Champion, Pan-American Champion, Latin American Champion. E siguiente ta: Gustavo Vicuna (Elite), Pan-American Champion 2023, Latin American Champion, 5x National Champion, W4 2016. Y e ultimo coredo profesional ta: W5 U23, #3 Copa Mundo U23, 6x National Champion, 7th Junior World Ranking 2019. Tur coredo, cu ta participa na e “Prep Clinic” aki lo ricibi un “Goodie Bag”. Ban apoya nos coredonan local riba 9 y 10 di September, cu tambe ta haciendo un bon papel den exterior.
![](https://297sportsaruba.com/wp-content/uploads/2023/09/ffd50aa5-db19-40ec-bd07-eb067e3d6b9b-1024x694.jpg)