Conoce e coredornan di Aruba pa e TCS London Marathon PARTI 2

by Seever Krozendijk
406 views

Shariska Winterdal

E legendario coredor femenino, Shariska Winterdal a representa Aruba den un total di 10 marathon. Su lista ta grandisimo cu San Francisco na 2008, World Champion Deagu (South Corea) na 2011, Rotterdam na 2012, Parijs 2015, KLM Aruba 2021 y 2022 . Y mas cu claro 4 Major Marathon: New York 2010, Boston 2013, Berlijn 2015 y Chicago na 2019. Y awor London 2024, faltando soloamente Tokyo pa completa e 6 ABBOTT Major.

 

Lili Mejia

Lili Mejia a core su prome marathon den luna di april 2022 na Rotterdam, Hulanda. Su di dos marathon tabata un Major Marathon esaki na Berlin den luna di september 2023 . Despues di hopi anja ta core y a participa den casi tur careda na Aruba, Lili a sinti cu e bira tempo pa cuminsa na scrap su retona n  for di su “bucketlist”, esey ta core marathon den exterior. Asina Lili a cuminsa bou guia di coach y trainer Mario Nooijen di Endurance unda e la core Rotterdam. Asina e la start pero awor a adapta cu un otro meta pa core tur e 6 star Abbott Major Marathons na Mundo. Y asina Lili a core Berlijn bou guia di coach Vincent Solognier di Runners Unite. Y awor Londen tambe e lo core bou guia di coach Solognier. Na banda di su meta Lili lo kier core half marathon y otro marathon nan tambe.

 

Edeline Weller

Edeline lo core su di 3e Abbott World Major marathon. Den pasado Edeline a core na 2022 Chicago y na 2023, Berlin. Edeline ta confidente y a prepara su mes bon. Loke ta haci esaki special pa su persona ta cu un grupo di total di 10 Arubiano lo core e London Marathon, y cu 8 hende muher. Edeline tin masha admiracion y aprecio pa cada uno. Edeline su meta ta pa inspira mas hende pa purba core un marathon.  Den su pensamento e tin como meta pa caba e careda y disfruta di cada kilometer na London.

Nos di 297sports kier a desea Shariska, Lili y Edeline hopi exito den e TCS London marathon.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs