2.1K
Alguin dia atras Colegio Nigel Matthew na San Nicolas a tuma despedida di nan studiante atleta Sundari Croeze cu proximamente lo muda pa Hulanda unda e lo sigui su carera di studiante y futbolista.
Riba nan pagina social e scol a pone e siguiente comunicado:
Nos ta desea tur cos bon pa Sundari den su siguiente etapa den mundo di futbol y cu e por sigui desaroya su talentonan y logronan. Nos ta spera cu Sundari por sigui representa Aruba cu orguyo y ta pone e isla riba mapa den e mundo futbolístico.
Como scol nos semper ta apoya nos hobennan pa nan por prospera den nan carera deportivo. Nos ta sigur cu Sundari Croeze lo duna su mehor esfuerso na Hulanda den su equipo di Ajax y lo bay logra cosnan grandi den su carera futbolístico.
