Tabata e ultimo palabranan di Tamara Kingsale, awe den felis memoria na e coredor Christian Pereira cu ayera diahuebs a triunfa pa prome biaha den su carera den e 10km Harry Jansen Boulevard Race 2023, marcando un tempo fenomenal. Den un forma hopi emocional Christian a conta nos di su ultimo combersacion cu Tamara, un dia prome cu e la fayece. Sin duda e forza pa pusha lo maximo a bini for di halto.
Ayera na su yegada, di baina Christian por a para riba su pianan unda e MC Glennon Eights mester a carga Pereira pa despues e haya asistencia medico pa basta rato. Asina mes den tur su dolor Christian a hinka rudia y e la pidi nos di 297sports pa saca un potret di su lomba unda tabata scirbi e palabranan “Running For My Angels, Supporting All The Fighters”, esaki pa tur esnan cu e perde e bataya contra e malesa cancer.
Danki pa e bunita gesto Christian.
