Dia 14 di oktber proximo, nos seleccion nacional di futbol despues di 7 anja lo hunga un wega na cas atrobe contra di Virgen Island. Mas cu claro esaki ta un bunita momento pa tur e amantenan di futbol y fanaticonan presencia e wega di nos seleccion nacional na Aruba. Pa e motibo aki tambe Centro di Bario Dakota hunto cu tres partner a tuma e bunita inicitiva pa hiba nan liga infantil U-5,U-7,U-9,U-11 y U-13 mira e seleccion di Aruba hunga den stadion Guillermo Prospero Trinidad. Awe dialuna anochi, despues di entrenamento e muchanan a haya e grato sorpresa aki. Mas cu claro nan a keda super contento cu e gesto. Den presencia di e 2 hungadornan Dakota Honor y alabes formando parti di seleccion naciona di futbol, Nickenson Paul y Basley Merveille a hasi entrega di ticket di entrada pa wega di seleccion di Aruba.
Centro di Bario Dakota kier a yama un danki na Rudwin Dirksz di Solid Solution, Richard Gigi Helder di Fast Delivery y Jonathan Lake cu e programa Ta Su Ora.
Un palabra di pabien na Centro di Bario Dakota pa cu e bunita iniciativa aki.
