1.5K
Diadomingo anochi durante e wega entre RCA y Dakota, valido pa e campeonato di futbol Division di Honor, tabata tin un momento masha peculiar cu nos no ta mira tur ora na Aruba. E entrenador na e momento aki encarga cu RCA, esta Giovanni Davelaar ta debuta su propio yiu Gionne Davelaar contra Dakota den e hoben su prome wega di futbol den e division mas halto na Aruba. Notable ta cu Gionne ta e yiu chikito di entrenador Giovanni Davelaar. E no ta pasa mucho cu un tata ta debuta su mesun yui den futbol, den e division di mas halto di su pais. Nos yega di mira algun tempo atras Gregory Tromp y su yiu Obi Tromp den Britannia unda Gregory tabata asistente. Tambe Marco Portier y su yiu Marcus Portier si nos no tin hera esaki tambe den Britannia. Pues Tata y yiu formando parti di un ekipo den Division di Honor.
Den mayoria caso, esakinan ta mayornan cu aña aden aña afor ta yuda e ekipo di futbol unda nan yiunan ta crece den dje y nan mes ta yuda coach e yiunan te ora nan bira adulto y den e caso aki yega te hoofdklas cu nan yiu(nan). Giovanni ta encarga cu RCA debi na e ausencia di Milly Henriquez y Veron Albertsz, e ultimo ta cu e seleccion femenino na Turks and Caicos.
Pabien Gio y Gionne un momento unico cu hopi emocion y sentimento.