Bucuti Yacht Club ta cla pa celebra nan di 50 aniversario cu e Bill Fishing Tournament

by Jessica Krozendijk
822 views

Den un conferencia di prensa dialuna ultimo, e organisadornan di e Bill Fishing Tournament a splica mas di e torneo cu lo cumpli mitad siglo. Represenantenan di Bucuti Yacht Club, Aldrin Wever, Urvin Richardson y Nick Werleman a hiba palabra unda a duna un splicacion kiko tur lo bay tini e weekend aki esta 3, 4 y 5 di november.

HISTORIA
Prome a duna un splicacion di e club esta Bucuti Yacht Club cu a keda funda riba 19 di januari aña 1967. Na 1973, Bucuti a inicia cu e torneo di Bill Fish. Temponan aya botonan di Venezuela, Republica Dominicana, Corsow, Boneiro y Aruba tabata participa na e dos dianan di torneo. Awendia e botonan ta mas grandi compara cu antes y por bay mas leu y asina haya mas punto. Loke a resalta ta e Bill Fishing Tournament tabata hermandad deportivo cu tabata reina entre e participantenan. E 50 Bill Fishing Tournament ta dedica e aña aki ta Feli Geerman, un baluerte di Bucuti Yacht Club.

PROGRAMA 3, 4 y 5 di november.
Pa celebra nan di 50 aniversario, Bucuti Yacht Club tin un programa di actividad prepara pa e fin di siman aki. Ta asina cu riba diabierna atardi lo tin e inscripcion na club di 6 – 9 di anochi. Pa 8or lo tin e Captain Meeting mientras cu lo tin banda pa deleita tur presente esaki di 7or pa 11or habriendo asina e Bill Fishing Tournment.

Diasabra na banda cu tin e programa pa e participante nan di e Bill Fish lo bay tin e banda musical, Classic Car y Muscle Car nan presente esaki for di 2or di atardi enadelante. Pa su mañan diadomingo lo tin e diferente Harley Davidson Club nan di Aruba cuminsando tambe 2or enadenlante sin lubida e banda e e entrega di premio y a banda musical pa celebra e gran clausura di e Bill Fish Tournament. Tanto diasabra como diadomingo lo inicia for di 6or di mainta cu breakfast.

Por ultimo a duna henter e splicacion pa loke ta e reglanan di e torneo y kiko ta tur ta ser premia e weekend aki.

Ta invita Aruba henter pa pasa e celebra e weekend aki na Bucuti Yacht Club na Barcadera unda cu lo tin musica, actividad pa grandi y chikito y sin lubida e torneo di pesca den su 50 edicion. Bar y cushina lo bay ta bon surti.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs