30
Brighter Future Academy lo tin nan tradicional Bike, Run & Walk A Thon, diadomingo 25 di mei
Diadomingo 25 di mei proximo Brighter Future Academy lo tin un bes mas nan grandioso, Bike Run den su di tres edicion pero e biaha aki tambe den combinacion cu un Run & Walk pa asina recauda fondo pa un projecto nobo cu nan lo bay inicia cune. E di tres edicion di nan ‘Bike, Run & Walk for a Brighter Future’ cada anja ta acapara e interes den nos comunidad mirando e meta pa cual e academia ta opera. Brighter Future Academy Foundation, ta un scol pa muchanan cu autismo, ADHD/ADD, down syndrome, cerebral palsy, y otro retonan di comportacion.
Mester bisa cu ta organisa actividad pa recauda fondo pa terapia adicional pa nan alumnonan, manera logopedie, terapia ocupacional, y servicionan psicologico. E scol no ta ricibi subsidio di Gobierno y mester haci evento pa recauda fondo pa asina sigui yuda e muchanan. Awor aki e academia ta ricibi donacion for di companianan y di eventonan caritativo pa sigui yuda e muchanan pa haya terapia cual ta hopi importante pa nan desaroyo y calidad di bida.
E persona encarga cu e evento di Bike, Run & Walk A-Thon, Jerusho Fernandez ta splica un poco mas di e evento cu ta premira di bira un bes mas exitoso. E idea ta cu cada participante ta busca un of mas patrosinador cu lo kier contribui cu cada kilometer cori riba bicileta of na pia. E ta manera nos conoce como e Sponsorloop. E recoridonan di ciclismo lo ta riba rutann di 25, 50, 75 y 100 kilometer. Pa loke ta e parti di canamento y coremento mester bisa cu lo tin distancianan di 2.5, 5, 10 y 20 kilometer. Pues por aserca famianan, amigonan, conocirnan como tambe companianan cu ta dispuesto pa yuda cu cada kilometer cori riba bicicleta of na pia.
Mas cu claro un persona tambe por contribui cu su mes door di bin participa y haci su donacion na e evento. E formulario digital cu ta riba e pagina di Facebook di Brighter Future Academy Foundation y riba nan website. Yena esaki y e organisadornan lo tuma contacto cu cada participante. Diadomingo 25 di mei, for di 5or di mainta lo inicia cu e evento di Bike Run & Walk A-Thon. Lo bay tin refreshment, pasa boca, soppie, y bon musica pa deleita tur presente.
E unico cu falta ta abo. Click riba e formulario y yene bo nomber y asina contribui grandemente na e alumnonan di Brighter Future Academy