Famoso Boulevard Loop/Race, awendia Harry Janssen Memorial Run, e careda mas bieu na Aruba e aña aki lo celebra su di 61 edicion. E prome potret ta data for di anja 1977, pues 46 aña pasa. Di robez pa drechi, sr. Jos van der Schoot den felis memoria, voorzitter di Oranje Vereniging, hunto cu e ganadornan, entre nan Rudy Dirksz, conocido ex-entrenador di futbol, Rudsel Martina di Curacao, ganador absoluto e aña ey y e un Hulandes Europeo, Kees Dekkers. Patras para nos por mira sr. Harry Jansen, iniciador di e prestigioso Boulevard Loop. Mas cu claro nos a bay coba den e bahul de los recuerdos unda nos a haya un hala di potretnan bieu mientras for di Willy Willems antes un di nos top coredornan y pa hopi anja ganador di e Boulevard Loop nos a haya algun potret saca for di corant.
Nos a haya di Lia Melis, un coredor di Hulanda cu pa varios aña a gana e careda na Aruba. Y despues a bini e mas jongnan cu ainda ta activo y cu pa hopi aña a logra gana e careda di Boulevard Loop manera Shariska Winterdal(ainda activo) kende pa hopi aña e domina e careda aki, nos por a mira Jenny Vrolijk cu segun nos por corda a gana tambe un biaha. Den hende homber Richard Rodriguez(ainda activo) a gana varios careda di Boulevard Loop(6) mientras despues di su lesion a bini Ronald Staring cu tambe a gana varios biaha. Segun bon fuente un ciudadano di Mexico di fam Zarraga tin e record di e Boulevard Loop cu un tempo cori rond di 31 minut riba e 10km. Esey ta data for di e tempo cu Lia Melis tabata core pues mas cu 35 anja pasa. E ultimo 4 edicionnan nos por a mira William Diaz a triunfa den esaki mientras Lana Gobert a gana e careda e ultimo 3 edicionnan.
Mas cu claro e di 61 edicion di e Boulevard Race diahuebs awor 27 di april proximo lo bay ta grandi un bes mas. E ultimo añanan e organisacion ta den man di @Aruba Triathlon Association hunto @Patrishi Sports Aruba cu tin e timing system, despues cu pa hopi aña Arruwac y prome Oranje Vereniging a organisa esaki.
