Na Battata Bar na Zeewijk, e team di ciclismo Biking Squad Aruba a batisa nan outfit nobo. Den presencia di pastor Totti cu tambe ta un miembro activo di Biking Squad y Minister di Ensenansa y Deporte, sr. Endy Croes como tambe henter e crew di Biking Squad Aruba a bendiciona e uniform nobo y mas cu claro a desea e ekipo tur clase di exito den nan recorido riba bicicleta.
Presidente di Biking Squad Aruba, Rubert Paesch tabata masha contento cu nan por a realisa nan di 4 bautismo di uniform den 3 anja di tempo. E ekipo di Biking Squad ta mas cu simplemente un ekipo di ciclismo, e team aki ta manera un famia.
Bandi lama, Minister Endy Croes y madrina Soraida Chirino alias Lala a basha awa riba e uniform, porcierto uno colorido y bunita.
E ekipo di Biking Squad Aruba ta exist 3 anja caba y ta participa na tur careda organisa pa e federacion di ciclismo Arubano, Aruba Wielerbond. Nan ta participa den e eventonan di mountain bike. E team ta consisti di hende homber y muher como tambe algun hoben y nan ta entre 35 pa 40 miembro.
