180
Beyond Sport Limit Foundation tabatin un tremendo aña 2024, unda nos a cuminsa cu 1 rolstoel na e careda di Urataka run. Den luna di Maart nos a haya nos di 2 rolstoel cu asina nos por a inclui mas special athletes den e caredanan. Nos a logra bay Bonaire cu tur 2 rolstoel unda cu 2 special athletes di Bonaire a participa na Guardian Run y unda cu Gerald Moreta ta logra bay cu e titulo di prome lugar. Nos a organisa tambe Beyond The Peak hunto cu Arubeast unda cu 28 special athletes a logra subi Hooiberg pa di prome biaha. Esey ta un danki specialmente na Arumil, KPA, Kustwacht, Ambulans, teamnan di Crossfit, teamnan di runners y tur e otro voluntarionan.
Un otro logro tabata Ronde van Aruba unda cu Brainer Lampe y Gerald Moreta a bay cu 4 special athletes pa e careda aki. Tambe Gerald Moreta a core 21 km ( KLM half marathon) cu 1 special athlete y Brainer Lampe a core 42. 2 km ( KLM marahton) cu Disjondrick Jacobs. Den luna di Juni Beyond Sport Limit Foundation hunto cu Meta Corp a haya 3 rolstoel mas pa asina por buta mas inclusion den deporte cu special athletes. Asina Beyond Sport Limit Foundation a sigui participa cu e special athletes nan na difirente careda, Tino Ruiz, Boton, Turibana Loop, Cuts and Curves y Gold Mine.
Beyond Sport Limit Foundation a logra bay Curacao pa e Guardian Loop cu tur 5 rolstoel ademas 1 special athlete: Dy-onn Courtar cu a core individual y e la logra gana di 2 lugar den su categoria. Beyond Sport Limit Foundation su ultimo careda di aña 2024 tabata Diabetes run and walk cu a participa cu tur 5 rolstoel y 1 special athlete Shawndre Geerman cu a core su prome 5 km. Por ultimo kier a gradici na tur e sponsernan cu a contribui y kere den e foundation Beyond Sport Limit y e pueblo di Aruba pa e apoyo y sosten cu boso ta duna nos. Beyond Sport Limit Foundation kier a desea un y tur un bon cambio di aña y laga aña 2025 ta un aña di mas inclusion.
