1.4K
Diaranson atardi, e ekipo di CBN 5 – 6 aña a batisa nan uniform nobo na nan tereno di baseball na Centro di Bario Noord. Ya for di trempan nos por a nota e mayornan y nos chikitinnan ancioso ta warda pa ora coach Eldrick Dijkhoff parti e uniform nobo nobo. Pa e temporada nobo aki, e ekipo di CBN Eagles 5 – 6 aña ta conta cu sosten di un partner nobo cu ta Pequeñín. Den presencia di e muchanan hunto cu e representante, sra. Ruele a basha awa riba e uniform nobo.
Diasabra awor pa 9.30, e chikitin nan di CBN Pequeñín lo tin nan prome compromiso caba riba nan tereno di baseball na Centro di Bario Noord.
Nos di 297sports kier a gradici CBN pa e invitacion y alabes desea nos chikitinnan hunto cu e coachnan y mayornan tur clase di exito den e temporada di baseball nobo.
