432
Despues cu Ethan y Malik a entrena na Lanzarote nan a yega Palma pa e Sophia Regatta unda cu na banda di e IQ team, e ILCA 7 tambe lo competi bou bandera di Aruba. Hunto e team di Aruba a entrena fuerte y ta den top condicion pa competi.
Riba e prome dia e biento no tabata bon y a nabega dos careda. Mester bisa cu lamentablemente un virus a fomenta su mes den e campo unda Aruba a keda y varios di nos atletanan a bira malo unda hasta nos atleta elite Malik Hoveling mester a wordo hospitalisa pa motibo di a dishidrata. Danki Dios tur cos ta bon cu Malik unda e ta bay poco poco y ta coriendo bais pa wak si e por race ainda den e dianan aki.
Diamars no a race pa motibo di biento mientras diaranzon e condicion di biento tabata “tricky” y tabata un reto pa tur regatista. Ethan tabata tin un bon race y ta na di 16 lugar. Tin dos dia di careda ainda mientras e Top 10 lo nabega diasabra pa e competencia di medaya den IQ foil.
E e evenemento aki ta sirbi como un preparacion mescos cu e entrenamento despues na Italia pa e European na Patras Grecia na comienso di Mei. Notabel ta cu e 1e clasificacion na Den Haag, Hulanda lo ta den Augustus pa e Weganan Olimpico 2024 unda e team di Aruba tin un bon chens pa clasifica directo pa Paris otro aña.
Exito na henter e team di Aruba na Palma, Spaña.