Atletanan den Desaroyo di COA ta rumbo pa Colombia pa un campo di entrenamento.
Awetardi ta sali pa Colombia nos Atletanan den Desaroyo di COA pa un campo di entrenamento.
Ta trata di Wyndel Beyde i Crisiene Flanegin cu ta forma parti di nos Seleccion Nacional di Atletismo.
Na Colombia nan lo reuni cu e conocido Coach William Diaz.
Nos atletanan Wyndel i Crisiene ta siguiendo un programa extenso di Coach William Diaz.
Esaki ta en preparacion pa cu e Ciclo Deportivo pa aña 2025-2028 unda ta inclui Weganan Panamericano Junior, Asuncion (PAR) 2025 y Weganan Suramericano di Hubentud 2026.
Hunto cu nan nos Atleta Nacional di Atletismo Yeshua Dabian tambe lo tey na Colombia i lo sigui cu su plan di entrenamento.
Nos atletanan lo wordo acompaña pa nos Coach Nacional di Atletismo Melvin Dabian cu lo sigui e proceso di cerca aya na Colombia y tambe cu un mayor di un atleta.
Nos ta desea nos atletanan hopi exito den nan preparacion pa cu e ciclo deportivo.
