Atletanan di distancia medio Yeshua Dabian, Wyndel Beyde y di distancia corto Eljoenai Wehl, Milan Pimienta ta sali awe rumbo pa Bahamas pa asina competi e fin di siman aki na e Speed Capital’s World Junior Championship 2023.
Nos por corda ainda cu den
luna di April nos atletanan tawata na Bahamas caba pa e Carifta Games i Atleta Milan Pimienta tawata na Florida unda cu nos atletanan a marca un bon tempo riba nan distancianan cu nan a competi i asina cu e temponan aki a clasifica pa e evento grandi e fin di siman aki.
Mester menciona cu atletanan Yeshua Dabian, Wyndel Beyde, Eljoenai Wehl ta forma parti di
nos Seleccion Nacional di Atletismo. I atleta Milan Pimienta ta un miembro di e Federacion di Atletismo.
Pero sigur cu esfuerzo grandi di e mayornan, di nos patrocinadornan, mirando cu stadion ta será aworaki ta haci esaki posibel pa nos atletanan sigui cu nan desaroyo den deporte di atletismo riba nivel internacional.
Nos atletanan ta wordo
acompaña pa nos coach Nacional di Atletismo Silvienne
Krosendijk i hunto cu nan tambe mayornan di Milan i Wyndel.
Nos ta desea nos atletanan tur clase di exito.
