Atleta Eljoenai Wehl a core e 100m sprint na Bahamas

Awe diasabra tawata di 2 dia di competencia aya na Bahamas. A toca turno nos atleta Eljoenai Wehl di distancia corto pa competi den e distancianan di 100m i 200m. Den e distancia di 100m aweainta nos atleta Eljoenai mester a core den heats. Atleta Eljoenai Wehl ta clasifica den e mihor 8 pa bai final manjan diadomingo.

Atleta Eljoenai mester a core awetardi tambe e 200m pero pa motibo di mal tempo aki na Bahamas a schuif tur e caredanan pa manjan diadomingo.

Nos atletanan ta probecha e momentonan aki pa relaha nan mes na hotel haci nan stretching, icebath i focus riba nan caredanan pa manjan diadomingo.