835
Aruba Triathlon Association ta orguyoso di cada un di nan atletanan pasobra como atletanan di un pais chikito sa di competi cu paisnan grandi.
Recientemente Rebecca Jansen (1:16:06) y Christiaan Jansen (1:02:54) a duna un bon presentacion na Riga, Latvia batayando cu atletanan di paisnan Europeo.
Di otro banda na Republica Dominicana, e atletanan Jayderick Geerman (1:06:54) y Richard Sotello (1:08:01) a bataya cu atletanan di paisnan di Centro America, Caribe y Sur America na Santo Domingo.
Despues tabata tin e participacion di Dylan Giel den e Age Group Category na Santo Domingo y e la logra e di dos lugar net un paar di seconde patras di e ganador. Den e tempo rond di 34 minuut.
Awor e atletanan tin cu sigui prepara pa e siguiente competencia cual ta e Carifta na Nassau Bahamas.
Aruba Triathlon Association ta gradici e atletanan y nan mayornan.
Danki na e coachnan di Aruba Triathlon Association. Ban sigui cu e bon trabou.
