27
Aruba su team den e deporte di Domino un bes mas ta saca cara na nivel internacional. Despues cu dos luna pasa, Aruba ta logra titulo maximo di Domino durante e campeonato mundial di Domino teni na Aruba mes, awo un bes mas nos atletanan di Domino ta briya cu otro medaya di Oro, e biaha aki den e Juegos Bolivarianos teni na e ciudad di Ayacucho, Peru.
Aruba ta logra Oro den Team mientras Panama ta keda cu e medaya di plata y Venezuela cu e medaya di Brons.
Un pabien grandi na Aruba su team di Domino como tambe na Aruba Domino Bond.