Diaranson ultimo a tuma un momento pa celebra hunto cu e 20 coachnan nomina pa diferente team/mayor/hungador di ANLL. Durante e encuentro ameno aki varios coach a ricibi un premio chikito como muestra di aprecio pa tur nan tempo cu ta dedica na e deporte di baseball.
Resultadonan tawata como lo siguiente den e categorianan di:
Coach di Publico
1e lugar: Eldrick Dijkhoff (CBN Eagles) cu 515 engagements, 435 likes y 70
comments.
2o lugar: Franco Kock (CBN Eagles) cu 428 engagements, 345 likes y 65
comments.
3er lugar: Giovanni Rafael (Hammersharks Baseball Organization) cu 261
engagements, 214 likes y 31 comments.
Coach Popular
1e lugar: Leo Geerman (Blue Marlins Baseball Organization) cu 7446 impressions,
6062 reach, 43 shares y 61 comments.
2o lugar: Revelino Maduro (Hammersharks Baseball Organization) cu 5238
impressions, 4806 reach, 18 shares y 43 comments.
3er lugar: Shakir Arends (CBN Eagles) 2604 impressions, 2411 reach, 9 shares y 29
comments.
Coach Impacto
Ganador absoluto: Shawn Thijsen (CBN Eagles) cu 41953 seconds viewed, 585
clicks y 37 shares.
Ta spera di por ricibi mas nominacion den 2024, ANLL ta consisti di 25 team den
categorianan 5/6 te cu 15/16 cu un total di 75 coach voluntario dunando bek na
comunidad.
E weekend aki na veld di Pos Chikito e fundeshi di nos baseball esta categorianan
5/6 y 7/8 lo hunga weganan di final y ta yama e fanaticonan di ANLL bin apoya nos
mas chikitonan #MadeInANLL cu un #OlaCora na Pos Chikito pa 9:00am y
12:00pm.
Aruba North Little League y su miembronan, Blue Marlins Baseball Organization
(Tanki Leendert), CBN Eagles (Noord) y Hammersharks Baseball Organization
(Calbas) ta invita mayornan pa inscribi nan yuinan di edad 4+ cu ainda no ta
practicando e deporte di baseball y laga nan cuminsa train. E programa di Little
League tin como lema: caracter, curashi y lealtad y ta ofrece un cantidad grandi di
experiencianan unico y benefisioso pa nos muchanan y nos comunidad. Cuminsa
informa awe mes di teamnan den bo bario y trese e yui, nieto/a, subrino/a y bisiña
pa hasi su promesa.
