910
Kid’s Athletic di AAF na Bushiri tabata simplemente campeon. Diasabra mainta, e organisacion nan di atletismo a celebra e Kid’s Athletic Day 2023 cu pa prome biaha ta wordo celebra na Aruba y mas cu claro lo mira un continuacion den e aña nan cu lo sigui. Meta tras di esaki ta pa engrandece e deporte di atletismo y sigur promove movecion rond Aruba. E clubnan participante tabata Olympia Track and Field Club, Turtle & 21 Athletic, Aruba Malmok Runners y Eagle 297 Runners.
E mainta a habri cu un tremendo warming-up riba musica unda tur presente a calenta e curpa.
Despues e atletanan a recori full un pacour cu varios elementonan di atletismo specialmente pa nan prepara riba e santo blanco na ex- Bushiri Hotel. Mas cu claro e atletanan tur a gosa enorme di e Kid’s Athletic, nan participacion activo tabata mas cu bisto. Mayornan a para na banda pa apoya mientras e atletanan di seleccion a yuda guia e hoben atletanan na cada post.
E resultado ta como lo siguiente
5th place: Eagle 297
4th place: Turltes & 21 Athletics Aruba.
3th: place Olympia Track & Field
2th place: Aruba Malmok Runners.
1st place: Olympia Track & Field 1
AAF ta gradici nan partnernan Subway, Gianni’s Group y Aleba. Tambe un danki na Rose-Ann Croes di Bring it on Zumba cu a habri e actividad cu un tremendo Zumba Warm-up session. Danki na Bo Potret, Tele Aruba y 297 Sports pa e tremendo cobertura di e actividad.