Diasabra 27 mei di 2023, The Ultimate Challenge lo tin su prome edicion di un ‘Relay Event’ cu lo bai tuma lugar den Parke Nacional Arikok. Ta trata di un ‘Trail Run’ di 6.5K cu un grado di dificultad di ‘Orange 7A’. E team mester consisti di 2 persona, di cual e prome coredor mester core e ruta ful pa despues pasa e belt na e siguiente coredor. Si acaso bo kier un ‘Challenge’ y e evento aki ta fit den bo calendario, Coach Andy Gomes lo tey diadomingo 21 Mei pa 7:00 a.m na Parke Nacional Arikok pa duna bo persona e oportunidad pa orienta ariba e ruta. E pregunta cu si e ruta ta pisa, mester bisa cu e ruta ta pisa !
Pa esnan cu no ta miembro di PNA, lo mester contribui cu e fee di dia pa drenta Park. Pa loke ta e registracion pa e evento aki, por registra como Female, Male of Mixed Team y lo tin premionan cash pa e prome tres puestonan di cada categoria. Teniendo cuenta cu e grado di dificultad di e evento aki, ta hasi cu no por tin un registracion habri. E link di registracion lo ser manda pa e atletanan cu ta cumpli e exigencianan di ta ‘Super Fit’ y ta conoci cu Trails.
Pa cualkier informacion, por tuma contacto cu Jorella Croes na 567 -6260
