Cu un tempo di 17.09, e coredor Jethro St Fleur ta logra impone un record nobo den e Urataka walk and run. Diasabra ultimo mas cu 700 persona a cana y core un di e rutanan di mas gusta pa henter e fanaticada di cana y core na Aruba. Como un careda super popular na comienso di anja, e Urataka walk and run a haya e atencion debido.
Ya for di trempan tur cos tabata cla pa ricibi e 700 participantenan. E coredor Jethro St Fleur a impone un record nobo di 15 anja bieu y bira e overall winner mientras Lana Gobert a gana e caerda den hende muher. Na final tur hende a ricibi un medaya conmemorativo di parti CMB cu tabata e patrosinador principal di e Urataka walk and run.
Un pabien na e organisadornan cu despues di tres anja di ausencia por mira bek tras di otro evento super exitoso.