Por a sinti e fiebre rond di e Ronde van Aruba 2023, unda awe e ora di berdad a yega pa e 686 participantenan cu lo bay duna un show di coremento riba e careteranan di nos dushi isla di Aruba. Lo tin un total di 16 coredor single e anja aki incluyendo un hende muher den persona di nos multi-atleta elite Lana Gobert, tambe lo tin 39 duo teams cual tambe ta e cantidad mas grandi den historia di RVA cu e anja aki pa prome biaha dos coredor Brainer Lampe y Gerald Moreta a haya e blessing di e organisadornan MSK-Savaneta pa core cu Disjonrick Jacobs den rolstoel. Por ultimo e 492 coredornan lo ta den e gruponan di 4 relay, cual e anja aki lo bira The Bomb
E fiebre di Ronde van Aruba lo bay ta grandi awe full rond di nos isla cu hopi mirones canti caminda. Tin varios happening prepara na e diferente postnan..Un suplica na tur automobilsta pa por fabor tene cuenta cu camindanan ta bay ta super druk ocupa cu hendenan disfrutando y apoyando famia, amigo, conocirnan, coleganan di trabou, etc. Hopi pasenshi principalmente den oranan laat di anochi, trafico lo bay ta stagna aki aya. Pero cu pasesnhi nos lo gana Gloria. Tur hende lo kier yega sano y salvo nan cas unda famia lo ta wardando nan. Pa e automobolista ta conta e famoso dicho “Corda cu mihor bo yega 1 minuut laat cubo yega nunca”.
Pa recorda e emocionante cu e Ronde van Aruba semper ta nos lo pone algun image cu nos a capta cu semper nos lo keda corda cu un di nos potretnan faborito di e yega bou lagrima di Joatham Kock
Nos di 297sports lo ta tur caminda cu nos camara pa asina capta e bunita momentonan di e Ronde van Aruba 2023. Di aki banda nos kier a desea tur participante hopi exito.
Cu Nos Bon Creador ilumina cada un di boso riba caminda awe y cuida boso durante henter e 72km di recorido pa asina boso yega sano y salvo e meta final. God Bless You All
