Coach di futbol femenino por mira bek tras di un anja hopi exitoso cu Academia U-14 di AVB. Joally ta repasa su carera pa loke ta su trabou como coach cu a inicia na 2021 ora Aruba ta logra nan prome exito den e torneo di CFU na Republica Dominicana unda Aruba ta titula campeon invicto sion permiti gol.
Joally ta conta nos lo siguiente:
Mi a cuminsa como assistant coach na AVB cu un Staff consistiendo di damas so. Un Staff cu hopi no a kere den dje pero cu perseverancia y dedicación nos a logra y bin cu e Título di campeón den Tier 2 na República Domininicana bao Head Coach Milvienne Henriquez y asina a promove pa Tier 1.
Después di e compromiso eynan y cu nos a coy campeón na Santo Domingo, Coach Milivienne Henriquez a sigi hunto cu Veron Albertsz como su Assistant Coach pa e mesun Selección cual nos a coy Campeón.
Asína AVB a aserca mi persona pa tuma e reto cu un team completamente nobo como Head Coach.
Mi mester a escohe mi mes un Staff e tempo ey y a kies pa Lerjan Caceres cu ta mi mentor. Un bon coach mes y ya nos tawata traha cu otro caba y tambe pa Lixienne Loefstok cu ta un Keeper Estelar den Selecion Grandi.
Después di un rato Lixienne mester a bay sigi studia na Hulanda y Rigini Robert cu tabata den curso cu nos a sigui na lugar di Lix como keepers trainer pa despues di tempo a stop pa motibo di compromiso Pa después Geomar Panthophlet bira oficialmente nos Keeper Trainer na lugar di Gini. Nos Staff tabata wordo supervisa door di AVB. Dyanne Wiersma ta e motor pa a pusha nos pa logra nos meta den e mundo di futbol.
Aruba no ta un país cu hopi choices paso no tin hopi mucha muhe ta hunga voetbal. Aunke e a bira más después cu nos a coy campeón na Santo Domingo mas mucha muhe a cuminsa haya más gana di práctica e deporte aki.
Asína mes no tabata suficiente, Kiermeen nos mester a traha cu loke nos tin. Pone Dia nan extra di training, y sacrifica Hopi orario di Nos mes y di e muchanan pa asina nos logra. Na prome instante tawata tin duda si ta manda nos tier 1 u-14 na Antigua, como tier 1 ta Esun di más halto y nos ta bay competi cu e teamnan di mas fuerte den Caribe.
Na luna di October 2022 nos a cuminsa train cu e team Aki y a participa na Antigua den Concacaf U15 Tier 1 y ta coy Sub-Campeón den 2023. Nos a keda pusha y e mucha muhe nan tawata tin asina un gana y e confiansa y determinación di nos den nan e charla nan cu nos tawata duna nan y Danki na Dios nos a logra bin cu e titulo di sub- campeón nq Antigua.
Eynan a drenta un alegria den tur e tristesa cumi tata a fayece net e tempo ey. No tawata algo facil pami y e team. Pero mi tata ta un hende cu semper a stima deporte Voetbal y semper a siña nos hunto cumi mama , cu nos no ta laga nada na mitar. Ora nos cuminsa algo nos ta cabe!!! Y mi tata tawata papia cumi tambe ora mi tabata na Antigua y e tawata bisami cu “papi kier boso gana” y Nos a logra e di 2 lugar, cu ta algo bunita y cu Hopi no a expect.
Despues di esey nos a bin Aruba y training nan a sigui duro pa e campeonato u-15 di concacaf. Nos a perde hungador nan pa motibo di paspoort y tambe operacion,
Esey a pone cu nos mester a busca 2 hungador di Hulanda pa asina reforza Nos. Di cual nos ta hopi conténto cu nan a bin. E team aki está full nos staff cuminsando cu Dyanne Wiersma nos team manager Maribel Leerdam, Lerjan Caceres, Lixienne Loefstok, Rigini Robert, Geomar Panthophlet, Jenny Croes, Silvienne Valdez, dokter nan di CEMEDAR y AVB cu ta bin yuda nos, nos a traha Hopi Bon cu otro pa asina nos keda transmití positivismo den nos Girls.
Nos tawata tin charla nan di team building pafo di e orario nan di training e inculca pone Nos Fe den Nos Creador Dios Tata Todo Poderoso na Prome Lugar y asina hunto nos a bira un team di famia cu Fe den Dios cu ta pone nos bay Hunga e wega nan y ta coy CAMPEÓN cu e título di CONCACAF GIRLS U15 den 2024.
Mi mester gradici Aruba henter cu a bin apoya nos. Mayornan cu a uni hunto mane famia y tabata pusha tur caminda pa nan yiu por a cumpli cu nos training nan. AVB cu su Chauffeur di Bus disponible pa hiba nos train y mas nos Selección tabata participa den Campeonato Regular di AVB den U13 hungando tur siman, midi forza sam sam contra di e mucha homber nan cual pa nos team di mucha muhe nan bay dilanti.
Aruba ta ON cu e voetbal di mucha muhe aki na Aruba.
Y actualmente mi ta bezig como assistant coach di selection nacional y selection u-20 cu ta bou di guia di e head coach Arjan Van der Laan.
Pabien Joally y un danki di curason pabo contribucion na nos futbol femenino di Aruba
