Un momento cu maratonistanan legendario Eugene Martis y Wilfred Ras

Nos grandinan ta bisa: “No tin nada mas mihor pa scucha y siña for di esnan cu tin un trajectoria largo den loke nan ta hasi”. 

 

Recientemente den un grupo di Runners Unite a tene un anochi di informacion unda cu e combersa riba e tema “Marathon Run the Talk”.  

 

Pa cu esaki a invita dos persona y den dos wowo dos legendario coredor di Marathon cu no mester di introduccion. Nos ta referi aki na e 6-star Abbott World Marathon Majors heroe sr. Wilfred Ras hunto cu Aruba su 32 bes coredor di Marathon, sr. Eugene Martis. Wildfred y Eugene a comparti na  experencia largisimo den coremento di Marathon y mas cu claro a show off nan medayanan conmemorativo. 

 

Tanto Wilfred y Eugene ta un inspiracion y motivacion pa tur coredor na Aruba cu ta aspira un dia pa core un marathon of ta preparando pa core nan prome marathon. 

 

Mester bisa cu esnan presente ta coredornan conoci y cu ta preparando pa un  Marathon: Nos tin e TCS London Marathon pa Vince Solognier, e Boston Marathon pa Esther, e NN Marathon Rotterdam pa Edwin, Ana, Paulo, Alex Hodge y Lilli, mientras Edeline hunto cu Ana, Paulo, Esther y Lilli ta poni pa core e Berlin -Marathon. Greg y Jeanette lo core e TCS New York City Marathon y Urvin lo participa den e the Bank of America Chicago Marathon y e KLM Aruba Marathon manera casi tur coredor. 

 

Pues sin duda un schedule hopi ocupa pa nos maratonistanan. Hopi exito na cada un di bosonan