Un Shout Out na e staf di nos seleccion di nacional di futbol fememino di Aruba cu den e fin di siman tras di lomba a laga nos damanan hunga 3 tremendo partido di futbol di nivel halto na Paramaribo, Surinam. Aruba su seleccion a haya masha hopi elogio pa e futbol desplega na Surinam. Aruba su hungadornan a demostra profesionalismo y tin e projecto aki na serio y cu un meta.
E no ta nada facil pa tin un seleccion consisti di hungadornan na Aruba y Hulanda pero den un bon cooperacion di trabou entre e staf y sigur keda ehecuta cu disciplina y seriedad e plan di entrenamento, nos por yega unda nos kier. Nos hungadornan ta determina pa logra lo maximo na tur nivel. Nos tin algun aña ta demostrando esaki caba den e nivel infantil/hubenil sigur den nos region y continente. Esaki ta danki na nos propio hungadornan pero sigur tambe tur esnan cu ta traha cu nos damitanan. Mayoria ta formando parti di e seleccion major y esey nos tin cu elogia. Surinam a keda sorprendi cu e bon nivel di Aruba y a gaba e forma con nos seleccion ta hungando bala. Ban keda perservera paso nos tin un solo meta y ta determina pa logra esaki trahando duro den union.
Un palabra di pabien na nos seleccion y sigur un pabien grandi na e staf di Aruba