Diasabra ultimo dia 22 di Maart 2025 Master Yoshmar Wever coach y trainer di Taekwondo Team Aruba a participa den Florida Cup cu 5 atleta.
Florida Cup ta un evento cu participacion di varios Pais manera Aruba, Cuba, Venezuela, Puerto Rico, Santo Domingo, Trinidad y Tobago, Cayman Islands y mas. Varios scol di Estado di Florida y di mas Estado rond di Merca tambe a participa den Florida Cup. Un evento cu Master Yoshmar Wever a logra gana 2 medaya di Oro, 2 medaya di Plata y 1 medaya di Brons.
X.K. y D.M. a gana medaya di Oro, mientras cu R.E. y Z.K. a gana medaya di Plata y J.N. a gana medaya di Brons. Master Yoshmar Wever ta contento cu e logro di e 5 atletanan cu a representa Aruba na Miami, Florida.
Master Yoshmar Wever ta gradici tur hende cu a cumpra rifa y e automobilistanan cu a duna donacion durante di collect ariba e brug di Renaissance.
