Diabierna atardi, e organisacion di futbol Estrella a bautisa nan uniform nobo den presencia di mayornan, invitadonan, coachnan y nan partnernan nobo. E categorianan di division U5 te U13 ta esnan cu a haya nan outfit nobo y ta cla pa estrena esaki durante e campeonato di futbol. E incansabel dirigente di Estrella, Lando Everon a dirigi e atardi unda e la gradici tur hende cu a sostene Estrella den momentonan bon y menos bon. Manera Lando a bisa cu despues di 3 anja a logra pa haya patrosinador bek pa asina e muchanan luci bunita den nan uniform nobo.
Pa e motibo aki Estrella di curason kier a gradici U5 Innova Architecture & Design y sr. Derrick Solognier. Tambe U7 Vasquez Contractor y sr. Ale Vazquez. Un otro partner ta U9 Plus Accountants y sr Anthony Croes mientras U11 D8 Lunch & Catering y aki a gradici sra. Jenifer y sr. Marcio Thiel. Por ultimo nos a haya U11 Xevize Apartments y sra. Etty Dirksz mientras U13 CMB ta gradici sr Ilan Lopez di CMB.
Un pabien y hopi exito na Sv Estrella cu nan uniforma nobo nobo.