Diasabra anochi, e organisacion di Sv Britannia a celebra cu nan invitadonan e hecho cu dia 12 di oktober ultimo nan a cumli 65 anja di existencia. Pa celebra e bunita momento aki nan a invita specialmente for di nos isla ruman di Boneiro, e ekipo di futbol Vitesse di Antriol.
Den su calidad como presidente di e club, sr. Cedric Werleman a gradici baluarte sr. Franklyn Bareno cu ta un persona cu 24/7 desde 45 anja pasa tur dia ta atende na bienestar di e famia grandi Sv Britannia. Pa e motibo aki tambe e otorga na sr. Bareno un medaya conmemorativo di e 65 aniversario di Sv Britannia.
Minister di Deporte, sr. Endy Croes den nomber di Gobierno di Aruba tambe a felicita Britannia y a otorga un reconocimento na Sv Britannia pa cu nan 65 anja. Sr. Croes a recapitula tur e logronan grandi di e club di Piedra Plat y a reconoce e gran esfuerso di sr. Franklin Bareno y sr. Eddie Berg como dos persona cu a traha duro na bienestar di e club y nan miembronan.
Por ultimo e organisacion di Boniero esta Vitesse a keda masha honra cu e invitacion di parti di SV Britannia. Pa e motibo aki tambe nan a otorga un bunita obeskio como recuerdo na e organisacion di Britannia.
Despues a sigui e wega di bala entre Britannia y Vitesse. Mas despues nos lo tin un relato mas algun imagen di e wega aki.
