739
Diabuebs anochi den sala, Vale Croes e organisacion di Britannia a bautisa nan uniform nan nobo di Division di Honor y Damas. Presente na e ocasion aki nos por a mira e hungadornan, invitadonan y patrosinadornan. Prome cu e efectua e acto di bautismo, miembro di Britannia y ehecutivo di Aruba Tourism Authority, Dyane Vis-Escalona tabata tin un berdadero sorpresa pa e ala hubenil femenino ora e la introduci e conocido y mundialmente famoso motivador, Trent Shelton cu a bini y duna un bunita speech na e hungadornan di Britannia. Mas cu claro, Trent Shelton a acapara hunter e atencion di tur presente cu un motivacion cu a touch tur hende den e sala Vale Croes.
Team manager di Sv Britannia, Eddie Berg a presenta henter e elenco di Britannia Division di Honor y Damas cu lo bay ta activo den e campeonato di AVB e temporada 2023/24. Presidente di Sv Britannia, sr. Cerdric Werleman tambe a dirigi su mes na tur presente unda e la focus hopi riba e disciplina y comportacion como hungador di futbol y un role model pa nos muchanan y comunidad. Esaki ta e unico manera cu Britannia Division di Honor y Damas por conta un vez mas cu apoyo di nan partnernan. Mas cu claro como un di e clubman mas popular na Aruba Britannia den 2023 – 2024 por conta cu e siguiente partnernan.
Esakinan den Division di Honor ta Frisian Flag, Bright Bakery, Total Finance, Pizza Hut, Western Union, UTLT General Contracter, Govaard Z Aruba Auto Parts, Vitamalt, Romar Trading, Divi Impact, A&H Technical Services, SWC Waste Handeling & Cleaning y Elmax Cargo Services.
Pa e Lady Pumanan esakinan ta Always, Total Finance, Bright Bakery, Western Union, New Lealf Notary y Pizza Hut.
Mester bisa cu e acto nan di bautismo a keda efectua pa mayoria di e partnernan di Britannia presente cu e bini specialmente pa e bunita ocasion aki.
Un pabien na e organisacion di Piedra Plat, SV Britannia cu nan uniform nan nobo y alabez nos ta desea e ekiponan di Division di Honor y Damas tur clase di exito den e temporada nobo di futbol.
#297sports
