Dia 10 cu 11 di Februari e team di Gihae Gymnastics a competi na Magical Classic Meet na Marriott World Trade Center na Orlando, Florida. Na e competencia di Magical Classic Meet a conta cu mas di 1000 participante di diferente scol di USA, Canada y Ecuador. Gihae a participa cu 15 atleta den e nivelnan 1, 2, 3 y 4.
E altetnan di Gihae Gymnastics a sa di representa Aruba dignanmente y a logra gana 53 medalla y titulo di team na 4 lugar den nivel 3.
Pa resalta entre e medallanan obteni tabata tin :
4 Prome luga
3 Dos luga
6 Tres luga
Tambe ta remarcabel e perfect 10 di Jaydyzianne Wester na su floor routine algo historico pa Aruba.
Esaki sigur no tabata posibel sin e preparacion intensivo di e team di staff & Coaches di Gihae Gymnastics coach Himilce Casares y Jimmy Palma Villegas cu support di e mayornan cu ta kere den e programma di Gihae Gymnastics.
Un pabien grandi na nos hoben gymnastanan, coachnan y mayornan