Soccer Education Center Aruba (SECA) a organisa su di tres ‘Aruba Youth Soccer Camp’ for di 24 pa 28 di juli den Stadion Frans Figaroa. Durante e camp aki tabatin 4 coach internacional di Ajax; Simon Tahamata, Sony Silooy, Calvin Blankendaal y Renaldo Landburg, cu a coach e muchanan di Aruba y esunnan cu a bin for di Merca y Hulanda. En total tabatin 64 participante na e summer camp, cu tabata muchanan y hobennan entre 8 pa 16 aña, tanto mucha homber como mucha muhe.
Na final di e summer camp e coachnan di Club Ajax, cu tambe ta scout prospectonan pa bira futuro futbolistanan profesional, a sorprende tur hende ora nan a anuncia cu nan ta hiba e mucha muhe di 15 aña, Sundari Croeze, pa core stage na Voetbal Club Ajax na Amsterdam. Esaki sigur ta un berdadero logro pa e hoben futbolista di Aruba, cu segun e coachnan di Ajax ta un mucha muhe super talentoso. El a demostra su tremendo talento riba veld captando e atencion di e profesionalnan den e mundo di voetbal, logrando e oportunidad unico aki, cu lo por marca su carera den e mundo di voetbal femenino den futuro,
Ademas di e muchanan y hobennan, 25 coach di Aruba a ricibi un workshop di e coaches di Soccer Education Center Aruba (SECA) den pasado a organisa football summer camp na Aruba, cu coachnan di PSV y Ajax damas. SECA ta desea Sundari Croeze hopi exito na Ajax y ta gradici tur instancianan y personanan cu a contribui na e exitoso ‘voetbal summer camp 2023’.
Hopi exito Sundari
