1.2K
Diadomingo awor 3 di september riba veld di Dragon Hitters na Barcadera, e number 1 y 2 di e campeonarto regular esta Stingers y Decos lo disputa e gran final di Liga 50+ di softbol veterano. Un wega cu ta priminti di bira mas cu un simpel wega di softbol mirando e rivalidad y dos ekipo cu tabata prakticamente inbatibel e campeonato.
Diadomingo ultimo, a tuma lugar e weganan semi-final di softbol veterano unda mester a defini e dos ganadornan cu lo enfrenta otro den e gran final di Liga 50+. E ekiponan di Stingers y Decos sin duda tabata e dos faboritonan mirando e campeonato regular pero manera nan ta bisa e bala ta keda rondo y den playoff tur cos ta cuminsa na cero. Mester bisa cu tanto Stingers y Decos cu ta e number 1 y 2 clasifica no a permiti sorpresa di Bambinos como Surprise y ta logra gana nan weganan pa asina clasifica pa e gran final di softbol Liga 50+.
Esaki ta nifica cu Decos cu ta campeonnan di anja pasa lo ta defendiendo nan titulo contra un Stingers cu no a perde ningun wega e campeonato aki. E wega ta programa pa cuminsa 1,30 di merdia. Lo bay tin mas wega y lo tin Zeta Band pa clausura e tremendo campeonato di softbol Liga 50+.
Numeritonan di ambos wega
R H E
Stingers 12 17 2
Surprise 8 11 2
WP. Gregory Paulina
LP. Eric Irausquin
Best Batters Stingers
Antonio Hassel 3 – 2
Carlos Croes 3 – 2
Vincent Cham 3 – 2
Ancel Alleyne 4 – 2
Robert Hanes 1 – 1 1IPH
Best Batters Surprise
Edward Cannister 3 – 3
Richard Flanegin 3 – 2
Gregory Alias 2 – 1
Frencel Bernardus 3 – 1
Adolfo Gonzales 3 – 1
R H E
Decos. 17 19 0
Bambino 2 5 3
WP. Johannes Flanegin
LP. Jimmy Tromp
Best Batters Decos
Emiliano Thiel 3 – 3
Albertico Loopstok 3 – 3
Grasindo Wester 2 – 2
Estefano Croes 4 – 3 1Homerun
Eugene De Cuba 3 – 2 1Homerun
Best Batters Bambino
Jimmy Tromp 2 – 2
Albert Alberts 1 – 1
Alexander Paesh 1 – 1
Richard Betrian 2 – 1
Mira e schedule pa e otro weganan.
