1.4K
Despues cu a yuda Hulanda clasifica pa e Mundial di softbol 2024, e tres softbolistanan di Aruba cu a reforsa Hulanda, Dijkhoff, Jacobus y Thompson a yega Aruba bek. Nan a biaha hunto cu e hoben pelotero Max Irving Jr cu tambe a yuda reforsa Hulanda den baseball den e Copa Europa.
Nos a combersa cu Eldrick Dijkhoff cu ya pa varios aña caba ta reforsa Hulanda como un softbolista experencia. Aki nos a puntra Eldrick di e prestacion di Hulanda, e prestacion di nos Arubianonan den seleccion, y si tur cuater seleccionado lo forma parti di e Mundial di softbol cu Hulanda.
Eldrick tabata tin palabra di elogio pa cada un o di su companeronan mirando cu nan tur a traha duro, claro cu falta pa mehora pero esey nan lo bay traha riba dje y ohala nan tur cuater por forma parti di e seleccion hulandes di softbol pa loke ta e Mundial di softbol Fast Pitch otro anja na Canada. Awor tur cos ta cuminsa na sero bek y tur hende tin cu regroup y demostra cu nan por forma parti di e seleccion.
