1.6K
Pa mas cu tres anja, Shakeena Croes a sufri di un lesion na enkel durante un entrenamento cu e seleccion Hulandes di softbol femenino cu casi a coste su carera den e deporte cu tanto e ta stima. Esaki tabata 8 di december di anja 2020. Un prome operación cu no a bai bon cu a resulta pakiko Shakeena a termina ta opera 4 biaha.. y awe e la bay pa e ultimo cortisone y injeccion di anesthesia.
Nos a combersa cu Shakeena riba tur loke ta pasando y kiko ta e next step pa su persona den e mundo di softbol.
Shakeena a conta nos lo siguiente; “E struggle cu mi pia ta done y awor mi por move on y cuminsa un capitulo nobo. Mi por hunga softbol pero loke mi a haci awe ta e ‘last bits and pieces’ cu mester a haci pa asina mi haya e luz berde.
E recorido tabata largo y a sinjami hopi cos, sigur e parti mental. Pero mi ta tin hopi bon cuido profesional na Hulanda cu a haci esaki un realidad pami. Pero awor mi ta bon pa hunga, dus mester sosega, recover y bay rehab.
E lesion sufri tabata uno hopi grandi mes casi ‘career ending’ pero no mino ta retira.. djis cu finalmente mi por sera un capitulo den e etapa aki di mi bida cu loke a pasa cu mi pia.. y awor por sigui hunga bek.. mas cu claro cu tempo
Te ainda mi ta firma bou Hulanda, mi tin basta oferta di cierto paisnan pero mino ta bai dicidi esey ainda. Minosa si mi lo kier keda hunga pa Hulanda.. mi lo dicidi esey despues.. pero pami sera e capitulo di lesion tabata esun di mas importante”, Skakeena a conta nos.
Nos ta masha contento di tende cu e capitulo aki a sera pa Shakeena y cu awor e lo por concentra bek riba su softbol. Nunca no ta laat y awor e lo por recupera y cuminsa bek na su deporte stima.
“The triumph can’t be had without the struggle.” – Wilma Rudolph
All the best Shakeena, DIOS TA GRANDI.
