Softbolista Ilajay Tromp a sali pa Merca unda e lo continua cu su estudio y deporte 

E hoben prospecto Tromp awor como un ‘student/athlete’ lo atende Marshalltown Community College na Iowa. Ilajay Tromp tabata inicialmente un beisbolista den e ekipo di Blue Marlins y ta aki nos a sera conoci cu Ilajay. Despues Ilajay a cambia pa e deporte di softbol unda e la hunga den Lady Tigers y seleccion di Aruba. Su amor y pasion pa e deporte semper tabata notabel unda Ilajay a sobresali y briya.  

Ilajay y su famia kier gradici tur hende cu a apoya su persona y kere den su halidadnan deportivo. Na Blue Marlins su team di semper,  a Lady Blue Marlins cu ta e team cu e la lanta, na tur su coach nan di categoria 5 – 6 te cu Senior 15 – 16. Awe e 1st Blue Marlins generation a sigui su soño. Un danki special na Tia Lily, Coach Baldrick, Coach Leocadia y na tur e coach nan cu a aporta na su crecemento como atleta. Na ARUBA BANK LADY TIGERS SOFTBALL TEAM y Coach Miguel, coach Carienne y Junny. Tambe un danki na Carlton Lampe di Smart Vision Consultancy cu a yude di A t/m Z.

 

Por ultimo Ilajay kier a gradici su Mama, Tata y ruman cu semper tabata cune desde cu a la cuminsa cu beisbol y softbol. Na tur entrenamento y wega nan tabata presente, e sosten y apoyo tabata simplemente inmenso. Nos di 297sports kier a uni nos mes na desea Ilajay Tromp tur clase di exito den su deporte y estudio na Merca. 

LET”S GO GIRL