814
Duna Cesar loke ta di Cesar. PUNT UIT.
Awe nos kier a manda un palabra di felicitacion na 4 dama cu a bini cu e tremendo iniciativa pa organisa dos dia di actividad pa mayornan cu tin yiu(nan) ta praktika e deporte di futbol na un club di futbol. Tanto diasabra(futbol hende muher) como tambe diadomingo(futbol hende homber) tabata un exito rotundo. E publico riba ambos dia tabata uno masal.
E yiu(nan) y famianan presente sin duda a gosa di un momento inolvidabel cual ta e meta tambe di e organisadornan. Tur hende a have fun e dos dianan aki. E sonrisa y cara nan contento di e mayor nan a bisa hopi con great e evento tabata ta. Kizas tin di nan cu nunca a scop un bala pero no ta nada, basta nan a experencia e deporte cu nan yiu ta praktika y cu no ta nada facil. Nos a pasa mas tanto diasabra na e Soccer Moms y keremi cu e tabata un rato hopi agradabel cu hopi emocion y harimento.
Diadomingo na e final di Soccer Dad, e tono tabata un poco mas serio. E bunita tabata ta pa mira hopi tata cu antes tabata hunga futbol den e divisionnan maximo di nos futbol awor tin nan propio yiunan hungando futbol. Den RCA por ehempel nos por a mira e entrenador di e seleccion di Aruba, Marvic Bermudez. Tambe nos por a mira mandatario nan di Aruba manera Ministernan Rocco Tjong(San Luis Deportivo) y Dangui Oduber(Bubali) cu tambe tin yiunan ta hunga futbol y awor ambos a participa y demostra nan talento. Diasabra nos mes a scirbi un reportahe di ex-Miss Universo di Aruba, Carolina Merryweather-Raven cu tambe e subi veld y skop un bala y asina nos por keda menciona.
E hecho cu Vanessa, Irella, Jessica y Michelle a tuma e corahe pa hinka dos dia di evento den otro den un forma structura cu ayudo di tur esnan rond di nan, ta bisa hopi di un evento cu a bini pa keda. E mas bunita tabata cu mayoria ekipo participante a laga traha uniform nobis nobis pa shine e dos dianan aki. Nos ta kere cu na un proximo ocasion(otro aña den e mesun temporada aki), comercio lo mester brasa e bunita projecto aki y duna mas sosten na Parents League. No mester lubida cu hopi di e mayornan aki ta sacrifica henter aña ta sea hiba y busca nan yiunan na entrenamento y/of wega pero tin di nan ta sea coach, entrenador of leidster di un of mas ekipo. Mas cu tur cos den forma BOLUNTARIO. Un gesto chikito pa e mayornan como muestra di aprecio pa nan tempo y dedicacion semper ta na su lugar.
No tin duda cu Parents League lo bay bira super e proximo anja. Dos dia lo ta tiki y casi sigur lo mester ta dos weekend. Na e diadomingo anochi di clausura, media di comunicacion a reta e Dj-nan di Aruba pa un wega amistoso. Ban wak paso nos di 297sports ta cla shine ki.
Pabien y danki Vanessa, Irella, Jessica y Michelle y tur boso ayudantenan di Parents League.
