1K
Mayoria biaha nos ta mira esnan cu mas ta bin den e luz cual ta e atletanan. Pero tras di e atletanan aki tin hende cu dia aden dia afor ta sacrifica pa laga e atletanan aki briya, den e caso di para-atleta ta mescos. Nos ta referi na e coach, entrenador, guia, etc, etc cu ta sacrifica nan tempo cu hopi pasenshi pa yuda e atletanan. Hopi preparacion esaki ta rekeri sigur mirando cu un para-atleta bo tin cu tene extra cuenta cu su limitacion pa nada mas pio no pase.
Pa añas sigur den e mundo di coremento na Aruba y awor tambe triathlon nos ta mira esaki pasa mas unda coach/trainers/guia ta participa cu nan para-atletanan of ta core cu nan den rolstoel.
Esaki sigur ta di aprecia paso nos ta mira con contento tur hende ta y sigur e para-atleta cu ta disfruta di cada momento y cu un reto y meta cu e lo kier logra hunto cu esun cu ta yude. Na banda di esey e ta trece un positivismo enorme cune bou di nos comunidad. Tur hende ta aprecia e bunita momentonan aki. Na e triathlon di diadomingo nos por a mira Casiene Tromp su dos guiadornan Meredith y Annemarie tambe presente y a biba cu cada momento di Casiene. Pa loke ta Brainer, Gerald, Giandrick y Nigel cada uno a acompaña un para-atleta den nan recorido. Ora bo mira cada imagen bo curpa ta haya ‘kippenvel’ di mira e bunitesa tras di cada sonrisa y lagrima di alegria. Sigur na final ora cada uno a logra nan meta.
Un biaha mas hopi danki guys. Boso ta pa nos HEROENAN.
