1.2K
E seleccion di softball damas ta bai busca nan clasificacion den ECASC pa por hunga den Juegos Centro Americanos del Caribe 2023 cu lo wordo teni na San Salvador, El Salvador den luna di Juni/Juli proximo. Diadomingo anochi, Aruba Softball Federation y e staf tecnico a tene un reunion cu e hungadornan y nan mayornan na Club Primavera.
Mester bisa cu pa historia, e prome biaha cu e confederacion ECASC a sali cu clasificatorio pa e islanan Ingles, Aruba a sa na conkista e medaya di Oro. Cu otro palabra esaki ta loke e seleccion lo kier bolbe bai hasi, esta bini bek cu e Oro y mantene Aruba su nomber na halto den ECASC.
E torneo di clasificacion lo bai tuma luga na Sint John, e dianan 1 pa 5 Maart 2023.
Awor a saca un pre-seleccion prome y awo mes e selecsion mes a wordo anuncia.
Notabel ta cu e seleccion a cuminsa entrena desde aña pasa November nan a haya un pausa chiquito pa e dianan di fiesta y despues pa 4 Januari a reanuda e entrenamentonan. E seleccion ta entrena duro, un 6 bez pa siman di cual 2 bez pa siman riba tereno y e otro dianan indoor.
Nos por a nota varios cara conoci, e damanan ta super contento cu por a haya e oportunidad.