Aruba tabata 1 – 0 atras den e marcador na half y tabata wanta e fuerte ekipo di Costa Rica bon esaki te na minuut 85. Ta bon pa menciona cu Aruba a empata e partido pa medio di Zyana Rogers esaki na minuut 62 pero e gol ta keda anula pa e juez di linea. Un bon gol ya cu ta mustra cu e keeper a slip y a hasta mishi cu e bala. Y ora e free kick a wordo tuma ningun hungador ta den e posicion adelanta ya cu e defensa di Costa Rica a dal un stap bay patras. Dus a kita un gol di Aruba inhustamente. Si na e momento ey e wega a empata cosnan sin duda lo tabata diferente. E trio arbitral tabata di El Salvador.
Faltando un 5 minuut prome cu e wega termina, e ticonan a lansa un ofensiva feroz unda nan ta anota 3 gol tras di otro pa gana cu e score final di 4 – 0. Apesar di tin un seleccion hopi jong, Aruba a lucha y duna bon bataya na Costa Rica cu ta un di e fuertenan den e clasificacion aki.
Next wega di Aruba lo ta diasabra awor pa 7or contra Guatemala.