1.1K
Aruba merece di a bay cu e victoria dialuna den e Nations League na George Town ya cu nos a domina Cayman Island por completo creando 20 oportunidad compara cu 4 so di e ekipo di cas. Aruba a domina e wega riba tur frontera y crea bon oportunidad di gol pero nos tabata slordig den e acabada dilanti gol. Faltando un 10 minuut prome cu e pitaso final, e defensor Darryl Baly ta anota e gol salbador cu cabez pa e 2 – 1. Pero e mesun, Darryl Baly ta haya su di dos carchi gel, consecuentemente, un carchi cora despues di un pushamento cu tabata envolvi varios hungador di Aruba y Cayman Island. Mester bisa cu e prome gol di Aruba a cay ya na di 2 minuut di e prome tempo pa medio di Rovien Ostiana. Un rato despues portero Matthew Lentink di Aruba mes ta anota un autogol un e bala ta dal na su pia den un cruse y desvia drenta gol pa empata e wega 1 – 1. No obstante, Aruba ta move pa prome lugar den nan grupo y asina acumula 3 punto importante mientras den oktober ta warda Us Virgin Island probablemente aki na Aruba.
Pabien na nos seleccion nacional di futbol.
Photo & video credit: Concacaf Nations League